代言貓區
加入Petsketch代言貓
畫畫的路途經常遇到挫折，我們能夠一直堅持畫下去，其中一個原因是得到不少貓好友的支持和鼓勵❤️誠意邀請大家成為我們的代言貓✨不但可以與我們互相見證成長，更可以獲得我們製作的限定小禮物，而我們未來所有動向亦會優先向代言貓發佈！
另外，我們會定期給予代言貓小任務，完成任務可獲得道具，集齊5個道具即可升級，向宇宙級代言貓進發！😆
首席Mino-混種長毛
@mino.is.a.cat
我係米洛米米米洛Mino😺作為全世界最最最最靚仔嘅喵 我英俊喵灑、玉喵臨風、一表喵才……（以下省略一千字）我有白色靚靚長毛✨藍色寶石眼晴💎鼻鼻同埋尾尾有小小cream色😺！我喵超榮幸可以做到petsketch代言貓同埋同Luna靚女組成MiNa😆如果有喵反對我上面講嘅嘢…喵喵喵歡迎嚟搵我打交！我喵喵拳超勁架😼
首席巴閉-港短橘白
@lovebarbie2020
蛙！！！！蛙蛙蛙！！
我叫巴閉因為我最鐘意嘈喧巴閉蛙！蛙蛙！蛙蛙叫就係蛙蛙蛙蛙～身為神盾防曬局局長，我一定係最巴閉嘅代言貓😼
我希望可以同公司一齊蛙蛙蛙蛙、蛙蛙！
霸王雞🐥& 鵪鶉蛋🥚-港短
@chickenking2.8
霸王雞🐥: 我表情多多，眼大大無學壞，食過吓夜粥，有時脾氣好暴躁，但相處耐就知內心好善良的😼
鵪鶉蛋🥚: 個樣呆呆，叫聲似隻牛🐮，係一個港孩要人類餵飯飯，有個性感粉紅色的大肚子，鍾意舉高個pat pat行埋嚟請人類幫手拍🍑
Luna-英短金影
@littleluna_0817
我貓見貓愛 🚗見🚗載，靚女係我嘅代名詞😏雖然我係獅子座🦁但我温柔又可愛，可以被人摸摸抱抱，任何貓奴都會敗係我嘅嗲嗲攻擊😘我有一對靚靚嘅薄荷綠色大眼✨迷到萬千善男信女，快啲入Luna教啦🤩
好開心做到petsketch 嘅代言貓🥳
Sugar 砂糖喵 & Hina 雛-美短
sugar.meow.hina
Sugar係一隻識開房門 比手手人類嘅為食貓。為左食相信仲可以學更多嘅技能為左食可以死心不息咁嗲人出盡渾身解數！
Hina憑住無辜辜樣俘虜人心，甜美公主外表，但內裡住左一個麻甩仔 ，比起扮靚靚更鍾意踢波，好鍾意食乾糧，食乾糧會一邊食一邊煲水。
薑汁牛奶布甸-港短橘白
@gingerwhite_pudding
我薑汁牛奶布甸，今年5歲仔係嚟自於錦田嘅一隻自由貓。因為全身黃白色無虎斑，似足薑加牛奶，因此而命名。
入屋後為咗兩餐我越嚟越嗲，最鍾意就係瞓地左扭右扭嗲媽媽，鍾意人幫我拍pat pat 、R pat pat、梳毛毛。我好有禮貌㗎，我會講「唔該」。
KUMO-港短
@kumo.dsh
我叫Kumo 中文名係咕毛，係一隻鍾意出街嘅半歲少男，雖然我比較細粒 但係我個膽一啲都唔細，對住陌生人都唔會怯 可以任摸，對住好熱情嘅小朋友我都會識就佢。我特點係眼仔前面有兩則毛輕微向下生 睇落比人好似慘慘豬樣咁，但係對於工作我好認真 我都一樣有smart醒樣！
